Video
Read full review
2020-07-23
455 views
喺香港要食到好食嘅點心唔容易，而家大部分酒樓整點心，幾乎用機製作，多數都唔好食。呢間點心選擇唔算好多，但勝在即叫即蒸，人手製作，質素保持一定嘅水準，整體味道中上。菜單有中英對照，之前會有外國遊客幫襯。地方唔算大，環境幾乾淨，令我加分。📍雪山叉燒包 $24(7/10)外酥內軟，叉燒肥瘦均勻，唔會好濟。相比起平常食白色果隻，我比較鍾意雪山叉燒包。📍健康布拉腸（素）$22(8.5/10)我唔鍾意食叉燒腸因為有我討厭嘅芫茜，反而好鍾意食素布拉腸粉，不過唔係每一間都有。佢嘅素布拉腸粉晶瑩剔透，米香軟綿滑溜，再加啲甜豉油入口，唔會好鹹。📍北菇棉花雞 $29(7/10)棉花雞嫩滑，魚肚吸收咗鮮美嘅雞汁。📍芝士蝦春卷 $26(7/10)春卷炸得黃金鬆脆，油膩感唔會太重。📍上海小籠包 $28(6.5/10)肉汁可以多啲。📍徐記蝦餃皇 $30(6.5/10)味道不過不失，冇乜特別。📍蟹子燒賣皇 $29(7/10)餡料好足，豬肉同蟹籽嘅口感豐富。📍黃金魚餅 $25(8/10)煎得香脆，同埋啲點心嘅油份控制得幾好，食完唔會話好濟。
呢間點心選擇唔算好多，但勝在即叫即蒸，人手製作，質素保持一定嘅水準，整體味道中上。菜單有中英對照，之前會有外國遊客幫襯。地方唔算大，環境幾乾淨，令我加分。
📍雪山叉燒包 $24(7/10)
外酥內軟，叉燒肥瘦均勻，唔會好濟。相比起平常食白色果隻，我比較鍾意雪山叉燒包。
📍健康布拉腸（素）$22(8.5/10)
我唔鍾意食叉燒腸因為有我討厭嘅芫茜，反而好鍾意食素布拉腸粉，不過唔係每一間都有。佢嘅素布拉腸粉晶瑩剔透，米香軟綿滑溜，再加啲甜豉油入口，唔會好鹹。
📍北菇棉花雞 $29(7/10)
棉花雞嫩滑，魚肚吸收咗鮮美嘅雞汁。
📍芝士蝦春卷 $26(7/10)
春卷炸得黃金鬆脆，油膩感唔會太重。
📍上海小籠包 $28(6.5/10)
肉汁可以多啲。
📍徐記蝦餃皇 $30(6.5/10)
味道不過不失，冇乜特別。
📍蟹子燒賣皇 $29(7/10)
餡料好足，豬肉同蟹籽嘅口感豐富。
📍黃金魚餅 $25(8/10)
煎得香脆，同埋啲點心嘅油份控制得幾好，食完唔會話好濟。
Post
