泰COOL (鴻圖道) (Closed)

想網上嘅地圖見到呢到有間泰國菜，就想去試下，我就選擇咗去食晚餐，人都算幾多。入到去第一印象就覺得呢間鋪好有格調，柔和嘅燈光加上放鬆嘅音樂，再配合上特色嘅裝飾，令人放鬆，已經加咗好多分。首先呢，我就點咗一啲小食拼盤，而小食拼盤全部都係一啲香口野，包括泰式春卷，泰式蝦餅，泰式雞翼。而我最最最推介就係泰式雞翼，外皮鬆脆，配合埋個醬，辣辣地又香口，簡直係開胃嘅神器!!之後呢我仲點咗個椰子海鮮焗芝士飯，外貌固然吸引，香味撲鼻之外，味道都好好味。由於係用焗嘅關係所以時間要耐少少，可以到咗就先叫焗飯先，咁就唔洗等到啲其他食物凍嗮。講翻個飯先，因為個飯上面有一層層嘅芝士，加上椰子嘅香味，拎到食落去同聞落去都一樣咁吸引，陣陣嘅香味一啖海鮮一啖飯可以講話係享受啊。而且個飯好大好飽。同埋我叫咗杯檸檬柑桔蜂蜜，不過呢我個人覺得杯野有少少過甜，下次可以叫半糖。不過柑桔蜂蜜令人有清新嘅感覺，同埋泰國菜有少少辣，呢杯野咁啱就可以中和呢個問題，再者蜂蜜既可以養顏，又可以滋潤喉嚨。