潮福蒸氣火鍋 (Closed)

潮福蒸氣石鍋我都食過幾次，因為我係個海鮮控，佢地既海鮮價錢的確好合理！今次佢地係深水埗開左呢間有火鍋元素既餐廳，聽講仲搵人設計左個爐，隨時轉蒸海鮮或者火鍋，有夠方便。入到去，第一時間就有人問我同我朋友想食火鍋定蒸氣石鍋。我見佢地推左個任揀任食任飲Set好似幾抵，就決定試下。我地點完d海鮮，跟手就見到d staff係海池度撈起，拎入廚房。可能岩岩先Set up d野，出餐有d慢。粥底有2款比你揀，我地揀左瑤柱鮮淮山粥。先將d米同埋瑤柱、鮮淮山一齊倒入石鍋入面，就可以放上蒸架，蒸任何海鮮、肉類、丸類..唔洗驚d野蒸唔熟，因為佢有個牌講左每樣食材蒸既時間。蟶子好大件，清蒸真係特別鮮味。龍蝦幾新鮮，仲有膏添！大元貝有哂調味同埋粉絲，超好食！仲有桶蠔，好大隻，share食都得！蟲草花清遠雞、和牛肉、豬頸肉、自家手打豬肉丸、豆卜、粟米件等都係任食架！雖然係任食，質數都唔差，不過蟲草花清遠雞數量少都唔一定蒸8分鐘！同埋如果任食款式再多少少就正啦～最後個粥底係精華，特別鮮甜。下次再黎試埋個火鍋！