Running 燒 (Closed)

誠推呢間位於旺角既韓式燒肉海鮮放題比大家！海鮮有生蠔帶子大蝦扇貝等，海鮮新鮮選擇又多。價錢$248一位加一，兩小時任飲任食燒肉海鮮黎講算係抵！除左不同既牛肉同豬肉，仲有羊西冷同即食韓式粉絲年糕炸雞小食等。有自助飲品區任飲，泡菜都可以叫服務員無限添食。扇貝肥美新鮮，有手板咁大，成隻連殻放上去燒就得，燒到熟左可以甩開就ok。而燒帶子都好好味！驚喜既係呢度有無限任燒生蠔！而且有不同口味，有原味燒，芝士生蠔同辣汁生蠔選擇。新蠔新鮮，生蠔熟左的話會縮水，我比較喜歡原味燒，蠔味重多點比較原汁原味。記得點一個疏菜籃可以包住d燒肉一齊食。整左個生菜包簿切西冷再加少少泡菜，口感豐富，爽口清新值得讚既係呢度既服務員好nice，服務態度好。見到我地燒到個鑊窿哂，主動幫我地換一個新的。