越翠苑 (Closed)

蟹膏檬粉（$56），如果你好似我咁，係第一次幫襯，絕對要先試呢一款。湯底好好味（差唔多飲哂成碗），試第一啖酸酸哋，再dap多啖又甜甜哋，成個感覺非常特別，估計係用牛骨湯底再撈埋鮮番茄淆製；配料十足，包括大大pat蟹膏（似有蟹味，蒸老咗嘅雞蛋）、扎肉（口感實淨，中間有啲好似軟骨嘅嘢，好爽口）、鮮蕃茄、豆卜、豬紅、生菜絲；檬粉正常。吹波雞脾飯（$68），兩隻細型生炸雞脾，即叫即炸，炸到脆卜卜，味道不錯但不是太特別；飯底係蒜香飯，十分香，即時勾起係菲律賓食過嘅蒜香炒飯。班蘭葉綠豆糕（$15），軟軟糯糯，唔太甜，綠豆味唔太重。椰汁紅豆糕（$6），正常普通。後記：打呢篇文嘅時候，已經過咗四個鐘，沒有超口渴嘅感覺，即係嗰湯底冇味精啦。