餐廳環境ok，燈光唔算特別亮不過都幾有燒烤氣氛，牆面仲上有部份產品介紹海報
坐低後侍應會先比到杯大麥茶，睇完餐牌呢間燒烤相比其他真係算平，仲有燒烤二人優惠餐，不過諗住多食d肉，故order個燒牛肉拼盤
牛肉眼好大塊，不過係原味嘅。牛仔骨同埋牛肋條有腌過，幾入味。不過我最鐘意嘅都係雪花牛，肥瘦啱啱好。
店家有送小小菇類、生菜，鐘意嘅話可以再加錢order多d
店員有先幫我啲擺一張牛油紙係下邊，佢話咁唔會太易烧燶，健康衛生d，同埋可以keep住多d汁。跟著有比我啲一個燒烤夾同埋剪刀。
比到我啲嘅3款燒烤汁忘記拍下，一個系豆瓣醬，一個咸麻油，一個好似甜豉油咁。
從肉嘅角度來講，總體算不錯，食肉客值得一試，推薦款：雪花牛、牛仔骨。其實都仲有海鮮類，下次我再來試下喇。
