餐廳超位置方便就唔洗多講，裏面嘅裝修都值得一讚，雖然唔算好精緻奢華，但佈置得滿滿嘅日本風！
餐牌食物選擇幾多，望落去價錢唔算太貴。當晚我order左以下食物：
壽司叫左幾款，每一件都賣相好吸引。當中嘅海膽同埋火炙燒帶子好新鮮，而煎鵝肝壽司更加係超正，因為鵝肝煎得超香，好味到要encore
燒物方面，我好滿意當日order嘅厚切牛舌串，因為師傅真係厚切，而且燒得剛剛好，好juicy！
另一道燒物北海道直送燒魷魚筒都好正，雖然隻魷魚本身唔算好大隻，但勝在鮮甜，配合埋啲醬汁一齊食非常過癮！
炸物方面，炸廣島蠔炸得好脆好香，不過略嫌啲蠔比較細隻，不過都好鮮甜嘅
見牛肉壽喜燒價格相宜，以為份量會好少，點知店員攞上黎係咁大兜！啲牛肉好多塊，而且頗新鮮，食埋啲菜同豆腐真係夠曬飽！
總結：呢間餐廳食物質素幾好，價錢合理，值得推薦！
