亞蘇爾 (新城市廣場) (Closed)

平時好少入沙田新城市，怕人太多，噢，周圍都係人，嚇死寶寶喔！今次見去開附近，就揀間食店食個快嘅晏畫飯！亞蘇爾門口人唔算多，但都等左一陣子，要俾啲耐性！個餐牌精美，睇圖都覺得好多嘢都好食喎！lunch都係食輕啲就算，點左個蝦子松露意大利麵同葡腸豬肉伴煎蛋！首先來嘅係葡腸豬肉伴煎蛋配白飯，佢將類似臘腸嘅葡腸、豬肉同冬菇切粒，連芫茜炒，幾香口同惹味，非常好送飯喎！連埋隻蛋，賣相再加分！如果廚房可以幫你撈埋做炒飯會更加perfect！而個蝦子松露意大利麵都好驚喜，個汁好creamy，配料又多，加埋黑松露突顯高檔，又將蝦子加入意粉，令每一條意粉都有蝦子，食落去層次更高！雖然同卡邦尼有啲似，但真係覺得好味喎，比平時食嘅卡邦尼更好味喔！