掃QR Code落單，晚市主要係散叫，叫了野菜牛肉鍋、魚子蔥吞拿魚腩茸丼、雞軟骨、三文魚沙律及牛油果軟殼蟹卷。
朋友推介必食的是魚子蔥吞拿魚腩茸丼，我覺得口感真係唔錯，吞拿魚腩茸份量多，可惜飯量比較少。我個人比較欣賞牛油果軟殼蟹卷，食落口不會有油膩感覺，而且大大舊，食完有滿足感。
野菜牛肉鍋及雞軟骨都係不過不失，沒有特別之處，勝在份量足，比較之下，刺身壽司會比較優勝。唯一失望的是三文魚沙律，三文魚份量少，變左以蕃茄為主，以$80黎講唔抵食。
侍應服務比想像中好，由於2人枱比較細，食物又上得快，枱好快就唔夠位，佢地都好快手幫我地擺好野食，換細碟等等，就連加水都好主動。
［埋單$494］
