Infinity Workshop Cafe (Closed)

最近老公帶豬去左間叫Infinity workshop cafe食飯，就喺旺角登打士街，位置都幾方便就腳。好喜歡入門嘅木質招牌，簡約但帶個性。餐廳內裏燈光唔算光猛，幾有情調，好有一種處身於韓國cafe嘅感覺，勁正。裏面超級涼爽，好彩豬有著外套姐。座位寬敞，一邊係bar枱，櫃放入唔同嘅擺設，文青格調，幾適合拍照打卡。另一邊係玻璃格仔櫃，放左唔同美容產品寄賣。廚房嗰邊就放左唔同胡桃夾子嘅玩具士兵😍感覺好好，未開始食都已變係咁影相。老公叫左個雞翼，沙律，意粉同burger。原本諗住唔夠食，點知原來d份量都幾多下，個蜜糖雞翼係一開二，喜歡呢個單骨雞翼，食得好方便。雞翼新鮮炸起，熱辣辣又脆卜卜，雞翼面淋上蜜糖，甜甜地，好好食。香辣腸煙肉炒意粉，豬唔係咁鍾意食炒粉麵，因為怕油膩，但呢個炒意粉乾身唔會油淋淋，意粉有咬口，帶有番茄香味，味道方面，先有酸味，稍等一陣，辣味湧出黎，非常惹味，一口又一口，完全食唔停。招牌漢堡配扭扭薯條，大啡菇嘅香濃菇汁同免治和牛相當誘人，肉質好juicy，配烤到香香脆脆嘅麵包同芝士，煙肉，番茄等等一齊食，仲有特別調制嘅醬汁，味道非常滋味。再加炸得香脆又熱辣辣嘅扭扭薯條，滿足