39 Viet Nam Home (Closed)

炎炎夏日，中午係條街度行，係真心會熱死，所以小妹我就決定揾間餐廳飲杯嘢，順便嘆個冷氣，咁就入咗呢間39越南屋。齋睇嘢飲其實都幾平，平均一杯都係廿幾蚊。同埋佢呢度有好多乜乜冰，嘜嘜冰咁，咁我咁熱就梗系要嚟返杯冰飲啦。見啲人嗌咗杯仁稔冰，我就跟隊試試啦。

唔好講少笑，佢哋上嘅速度都幾快架喎，我叫咗杯仁稔冰同碗蟹膏湯河，唔洗兩個字就上到。杯仁稔冰有啲似話梅， 酸酸味味，飲落好酸爽，成身熱氣都走哂。而店家畀嘅湯河“蟹膏”係真心實在，真係勁大一pat，成個拳頭咁大，睇見都開心。之後食落啲麵唔會太淋，湯都幾清新，無話太咸。

所以總括嚟講，呢間39越南屋係抵食、唔錯，值得推介。