Video
Read full review
2014-10-28
1079 views
平時好少寫食評，因為無乜好寫，加上本身又唔係食家，所以無動力。不過，食完呢間東北菜館，都值得花少少時間推介下，當係支持下呢D有心做嘅食店。果日做完野經過呢間老掌櫃，見到外面排晒隊，跟住上 openrice 望下有無介紹，都幾多好評喎，D菜式都幾啱我，跟住立即約人第二日星期六去食，為左避免等位，提前幾個鐘 book 台，book 7：30 四位，点知佢話 7:30 滿晒！吓？咁快滿？好失望！跟住佢解釋話星期六、日比較多訂位，而且要留番最少一半位比街客，重話未必要等，就算等都唔会好耐。唉… 無辦法啦，都約晒人，照去。果日七点幾到，唉… 真係要等！不過，比我發現到D野，門口有張野寫住等超過15分鐘有野送，拍黄瓜同高力豆沙，咁又唔同，兩样我都中意，等下無妨。呢間野都幾掂，連出面等位既人都照顧到，平時我真係好憎等位，不過，有 so 就唔同。吹下水，玩下手机，不知不覺等左廿分鐘，終於有位，間野唔算大，裝修幾中國風，坐低店員立即比茶及 menu , D茶幾特別，幾香幾好味，跟住那那声叫野食，呢度D菜幾特別，其實我唔知乜野叫東北菜，我本身中意食上海菜、北京菜及日本菜，日本菜周圍都有得食，但上海菜、北京
果日做完野經過呢間老掌櫃，見到外面排晒隊，跟住上 openrice 望下有無介紹，都幾多好評喎，D菜式都幾啱我，跟住立即約人第二日星期六去食，為左避免等位，提前幾個鐘 book 台，book 7：30 四位，点知佢話 7:30 滿晒！吓？咁快滿？好失望！跟住佢解釋話星期六、日比較多訂位，而且要留番最少一半位比街客，重話未必要等，就算等都唔会好耐。
唉… 無辦法啦，都約晒人，照去。果日七点幾到，唉… 真係要等！不過，比我發現到D野，門口有張野寫住等超過15分鐘有野送，拍黄瓜同高力豆沙，咁又唔同，兩样我都中意，等下無妨。呢間野都幾掂，連出面等位既人都照顧到，平時我真係好憎等位，不過，有 so 就唔同。
吹下水，玩下手机，不知不覺等左廿分鐘，終於有位，間野唔算大，裝修幾中國風，坐低店員立即比茶及 menu , D茶幾特別，幾香幾好味，跟住那那声叫野食，呢度D菜幾特別，其實我唔知乜野叫東北菜，我本身中意食上海菜、北京菜及日本菜，日本菜周圍都有得食，但上海菜、北京菜就唔係周圍有，好食的更少，同埋好貴！呢度好似乜都有，有好多類似上海菜，但又有餃子，又有北京填鴨，價錢比出面平，都平幾多，不過重要睇埋質素！叫左兩份餃子，兩碗面，口水雞，東北亂燉，糖醋里脊，炒羊肉，炒四季豆，加埋送既高力豆沙，四條友食，飽到呀媽都唔認得，五百有找，好低食！
因為無諗過寫食評，所以無影相，菜式我唔逐個介紹，太花時間，整体我地都好滿意，我出街食野比較兩样野，價錢同食物質素，呢度既價錢唔貴，但有咁高既質素，算係好低食！我上次去尖沙咀一間北京菜館食過類似既菜，價錢比呢度貴成倍，重唔飽！所以，呢間老掌櫃都值得我花時間推下！
Post