但消費下，幫幫經濟啦！又好彩，係大全街有位泊車，泊好就見呢間店超靜，就入去消費啦。
太值得加許啦...
首先，服務好好！
個石板牛柳好味唔在講，但為乜會咁好味呢？係個廚師勁！？可能係，但我相信，最主要都係侍應妹妹既服務。
佢可以放低石板然後行開做自己野，但佢就教我，塊石板有400度，上面煎一分鐘，下面煎一分鐘，就一成熟，想食熟啲，就順紋切開，自己煎熟少少。的而且確，今次真係食到自己想要既牛排啦。平時買幾靚既和牛排，點煎都做唔到咁既效果。就係呢塊石板，同埋侍應妹妹呢種技巧。
多謝晒你！
再配合埋呢到既黑松露汁，又係值得一讚既，佢唔會好濃，少少咸，配合牛柳，係好好味。雖然話 8oz 咋，但兩公婆都食唔晒。
因為叫咗個海南雞飯，同埋追加咗個焦糖燉蛋，待應妹妹幫我地跟餐轉，又慳多十幾蚊！謝謝你呀！
