呢度主要用燒熱左既石板黎燒肉, 而唔係開個火爐比你燒, 石板簡易得黎無咁易燒過火.
先揀左主食既肉, 加30蚊就可以變定食餐.
要左美國頂級牛小排同和牛牛板腱肉, 兩款肉雪花紋里分明, 厚薄適中.
細細片放上石板燒至外表微焦, 一啖入口, 入面仍保持軟腍, 肉質彈牙.
脂肪一面煎一面迫出油份, 但食落又唔覺太油, 仲好香口惹味, 肉味濃香.
兩款肉都鍾意, 食極唔覺漏.
另外再要多款豬梅肉, 雖然係豬, 燒既時間需要耐少少, 但燒完仍保持到軟嫩, 唔會好乾好韌, 感覺不錯.
餐既櫻花蝦麵豉湯都幾得意, 櫻花蝦有咬口, 唔腥, 幾好味, 唔會剩係得昆布既麵豉湯.
結尾仲有雲尼拿雪糕配綠茶粉, 夠精緻有日本feel.
