Congeodle (Closed)

去完九龍灣德福花園探朋友, 之後一齊去晚餐. 佢話聽人講, 高銀金融國際中心有間打邊爐好正, 開頭諗住好近, 點知行去原來都唔近, 行左成 20min.  去到發現果面都幾僻下. 行到入金融中心,  嘩左一聲, 好高級啊!  我地去到都已經成8點,  好靜下. 

餐廳佈置非常之幽雅乾淨, 感覺好高級,  位置非常寬敞, 好舒服!!! 坐底左之後,  侍應仲俾左個ipad我地點菜, 好環保啊!! 

我地見到隔壁台點左"番茄排骨鍋"好似好正咁, 就跟住叫左個  嘩! 真係好足料呀!!! 成個鍋都係番茄. 非常非常非常之濃既番茄味, 排骨好入味又林, 超級好味!!! 好難忙既味道啊~~~讚!讚!讚!

番茄排骨鍋

桶蠔
一隻有半隻手掌咁大, 勁肥美,  咬落去勁勁勁勁鮮味!! 

桶蠔

安格斯雪花肥牛
分佈得好平均, 入口即溶, 好有肉味, 超正!  

安格斯雪花肥牛

手打四寶丸, 好新鮮彈牙! 

四寶丸+九菜餃

 花竹蝦
隻蝦好靚呀, 非常之甜同鮮味 

花竹蝦

P.S. 呢度既服務非常之好, 食物質素又高, 雖然係僻D要行遠少少都值得再黎!!