朋友同我講KKday有買一送一，本着個仔鍾意Transformers. 但係相信啲嘢食唔方好食嘅心態，去試呢個買一送一。結果喜出望外。
個餐有飲品，個飲品係提子啫喱梳打，同埋茉莉綠茶啫喱，兩杯都好好飲。薯條係厚切薯條，好食過麥當勞。薄餅係蘑菇薄餅，上邊有火箭菜。漢堡包係厚切牛肉嘅，老公話覺得個漢堡好食過Outback。老公之後加咗個沙律$45 ，沙律啲菜都係靚嘅新鮮嘅。整體係一間高質嘅快餐。喺銅鑼灣嘅黃金地段食到呢一餐，絕對係抵同埋唔貴。就算冇買KKday Offer，就咁入去食我覺得價錢都OK。
食完我哋又拎左Transformers汽球。
呢間餐廳職員都好友善，我哋會再嚟幫襯。
