軒寧樓 (Closed)

餐廳環境不錯，坐得都舒服。餐廳會播放中國古代的音樂，都好有feel下。茶就同出面酒樓差不多，無咩特別。地方都乾淨清潔，而店員態度也不錯。系個度食左豬肚雞窩，安格斯牛爽腩，酥炸生蠔和臘味糯米飯，樣樣都真系幾正，唔係吹水。最重要食完無需要大量飲水，既系少味精，這個真係要俾個like佢。豬肚雞窩啲湯好入味，胡椒辣到啱啱好，配料都算多，啲雞好食，雖然價錢唔算平，但都好料足抵食。另一味餸系安格斯牛腩，牛腩好爽，好有牛的鮮味，啲湯好清甜，食過真係想再去食多次。酥炸生蠔都唔錯，初初叫以為啲蠔好細，但點知個size都ok，炸得脆卜卜，好好食，又系保證你食過會再想食多次。最後是糯米飯，佢雖然都好香口下，不過啲油好似重手左，唔系好啱我口味了。不過總體來說，如果最高分是5分的話，我起碼俾佢4.8分，值得來食，下次再食的話再推介其他餸俾大家。