我由美孚站B出口向荔枝角方向行，經過中電後上條小梯极，再過對面馬路就係，全程慢慢行都唔使10分鐘，比想像中近同方便。
我自己未嚟過堯宗頤文化館，餐廳喺文化館入面嘅H座，沿途可以欣賞館內嘅建築，係充滿文藝氣色既好地方，未食心情已覺得好輕鬆。
一入餐廳就聽到90年代嘅美國流行音樂，服務員亦友善有禮。
我點咗美國牛腹肉他他配蒜蓉包，可能知我唔識食，服務員特別同我講解各種調味料同食法，令我可以放心地品嘗，嫩滑嘅牛肉塗上香脆嘅蒜蓉多士非常美味，令人想一試再試。
食完之後就上自家製甜薯條，薯條香甜脆口，不用配任何醬汁已經非常美味，最後係法式海鮮燴意大利飯，飯味相當濃郁，配上4款味道鮮美嘅海鮮同少少紅椒嘅嘅辣味，濃而不膩，食完非常滿足
總結呢餐係一次愉快嘅體驗，無論餐廳身處位置、店內環境、服務水準同食物質數都屬於高水平，係拍拖/聚會/紀念日嘅好選擇。
