The Town (Closed)

係中環，一個咁難搵食的地方，居然比我搵到一間新開的餐廳，不但環境舒服，設計獨特，而且服務一流，以後想搵個好地方食lunch，我知去邊度喇。我同朋友試了龍蝦海鮮喇沙、肉骨茶、海南雞同 daily set lunch，非常有驚喜。我選擇咗龍蝦海鮮喇沙，個湯底好濃郁配上大大件的龍蝦肉及多款海鮮，最特別嘅係佢地將個喇吵湯放係湯壺度，上菜時先係你面前倒比你，夠哂型同超夠熱吖。朋友的肉骨茶有淡淡的藥材味，比起星加坡的肉骨茶佢唔會有太重的胡椒味，相當舒服。另外，佢地嘅海南雞飯居然係無骨架，啖啖肉，超正吖。個 daily set lunch 都相當有水準，唔會因為係是日午餐而馬虎了事。午餐有亞洲同西式口味選擇，lunch set 價錢由$190起，加上坐得舒服，係中環嚟講實在唔錯。下次要去試吓晚餐。