厚福館 (黃埔天地) (Closed)

天氣太凍了，又想打邊爐，但係老公已經食厭左我整嘅清湯底😆😆，上網睇到有人話九龍城厚福館喺黃埔開咗分店，咁試一試啦。因為限聚令，要外賣自取，淨係同老公揀湯底都搞咗好耐，確實好多種湯底都好吸引，好難揀呀！最後揀咗金山翅煲雞湯，加響鈴，凍豆腐...厚褔餃拼盤同埋黑松露煎餃。午餐肉嗰啲自己去超級市場買可能我自己好鍾意黑松露嗰浸「汽油味」，佢個黑松露煎餃配埋佢嘅黑松露台撈沙律醬，好好味喎。最重要係佢唔係用坊間嗰啲黑松露蛋黃醬，而係真係自製黑松露醬加沙律醬，好有誠意，呢個真係有驚喜😍，如果堂食一定仲好食啫。另外值得一提嘅係佢個湯底，雞湯當然有雞味㗎啦，但係佢嘅湯底係真係足料，啲翅撈極都仲有，食到尾聲都仲撈到🤣🤣。佢啲炸響鈴同埋凍豆腐都好好食，不過我最鍾意都係佢嘅黑松露煎餃同個湯底😍😍