瀛素食 (Closed)

一直以來對素食之感覺都是中式，而且做法也比較單調(通常是炒、炸、蒸)，甚至有時油份很重。在OPENRICE見到此這間新開素食店以”瀛”為主題，但其實除日式外，還有其他款式的素菜，賣相非常精美，而且食評相當不俗。於是就趁肥仔生日去試一試星期五晚七點半左右到達，於美都冰室對面路口，門牌光鮮非常易見，剛好有兩位食客離開，不用等位，好好彩(因為後來聽到好多食客已訂位、另有好多WALK IN客)。兩個人點了一個日式PIZZA、軟殼蟹卷、牛油果海鮮炒飯、士多啤梨骨、再加例湯…好似好多呢…不過真係好好食，食得哂!!!日式PIZZA，係舖頭既招牌菜，即叫即做，餅底其實係類似酥皮的製法，脆而不膩配合出色的醬汁，雖然其他配料以菇類為主，但口感非常好，熱辣辣…得!!!軟殼蟹卷，酸酸甜甜的醬汁很清新，配合口感極似炸軟殼蟹的炸物，雖然一人吃了四件也沒有飽肚的感覺…..!!!士多啤梨骨，過往食的士多啤梨骨的醬都好酸，不過今次完全沒有這種感覺，士多啤梨味雖然不濃，但反而更易入口，亦沒有黏口的情況。而以菇類模仿骨的做法雖然很多店舖都是如此，但這裏的菇於入口時沒有 “黐”牙，很不錯了!!!牛油果海鮮炒飯，簡簡單單一個炒