滿粥 (Closed)

話說有日經過荃灣，見到間新既粥鋪，小弟最鐘意就係食粥，緊係要入去試一試啦，叫左碗豬潤粥，蝦腸同炒米粉先講講碗粥，粥底香厚，滑滑綿綿，最鐘意就係食呢種粥，個人覺得拍得住港島某間米之蓮推介既粥店！再講蝦腸，皮薄，唔似某連鎖粥店咁厚到阿媽都唔認得，至終d蝦，睇相就知，大大隻！好鮮甜，忍唔住問問老細，原來係用新鮮蝦，即叫即整，難怪咁好食！最後叫左個炒米粉，大大碟，炒得幾香，又唔會太油總結，食物質素高，食左咁多野賣單都唔洗$60，地方環境舒服企理，值得推介！