星怡 (Under Renovation)

男朋友突然想食海南雞飯，誤打誤撞去左呢間餐廳。當日平日未夠7:00pm，所以客人唔算多。環境乾淨，枱與枱之間隔板夠高，私人度高，坐得舒服。先試佢個招牌海南雞飯，雞肉夠嫩滑，絕不鞋口。仲要係無骨雞，大讚👍。黃油飯夠香，入口絕不油膩。剩係睇色水都感受到佢陣濃郁香味，呢碗係鮮蝦喇沙麵，有少少咸香味，勁開胃。麵質夠粗，又夠哂彈牙。蝦肉新鮮又大隻。呢個班蘭多士係我全晚最愛，多士外皮夠脆，班蘭醬就甜甜地加埋塊冰凍牛油好好食。香辣魚蛋唔會煮到皺皮，外皮微脆保持到彈牙口感。