金鶴拉麵 (閩街)

Open Now

Now Closed

要食好野，當然要捐窿捐罅啦，金鶴唔係喺大街大巷，不過都叫做易揾。依度嘅拉麵主打係佢個雞湯湯底，係用赤雞熬製6個小時而成，見到圖片都覺得吸引。除左拉麵之外，仲有沾麵可以揀。我就揀左雞白湯拉麵，試下個雞湯湯底先！咁啱同朋友坐喺bar枱位置，睇住拉麵師傅即整拉麵，又係另一享受。碗拉麵好有睇頭，奶白色嘅湯底，上面有叉燒，慢煮嘅雞肉，上面仲有一困炸物，當我同朋友研究係咩黎嘅時候，侍應就話我地知係牛蒡條，又幾特別喎！先試一啖湯，味道濃而不膩，又好順滑，真係唔錯呀。而個雞肉完全唔柴，好軟熟，而牛蒡炸到好香脆，如果浸一浸落湯，索左湯嘅味道，口感又有所不同，多一份咬口。