韓閣 (新都城中心二期) (Closed)

相信呢間小店對於香港人黎講都唔陌生，過去幾年一直都陪伴住香港人面對逆境，佢哋除咗立場正確之外，食物味道都好正路，係好食嘅小店💛今次叫左個一人套餐，另外散點左其他主食同小食，好豐富呢！香辣牛肋骨湯好濃香既牛味，辣味唔會蓋過牛骨湯既味道，兩者互相balance,層次豐富，牛肋骨炆到好軟身同時唔會炆到散晒，肉身保留有牛味，牛骨湯加白飯當泡飯食真心好食蝦冷麵大推呢個，個冷麵好爽口彈牙，加埋好清新既湯，入面仲有雪梨肉，好開胃😍蝦肉就正正常常咁啦牛肉紫菜飯卷食韓國菜個人最鍾意就係紫菜飯卷，貪佢有好多配菜味道夠晒豐富，呢度既紫菜飯卷仲配有麻油，咸咸香香，唔錯！小食：芝士雞翼&芝士麻薯波波個人認為呢度既招牌菜都應該非芝士莫屬，兩款芝士小食都水準之上，下次黎食想試多啲芝士類菜式🤤喺將軍澳來講，呢間小店絕對有存在嘅意義，因為將軍澳一帶太多中高價位既商場食肆啦！呢度既價錢定位真係算非常之仁慈，性價比都幾高架