逸之燒 (Closed)

今晚去咗元朗食日本野，食物款式多元化，又好食，都幾值得推介。我地雖然只有兩個人，但都試咗好多款不同類型嘅野食，好豐富，好滿足！介紹下野食先。池魚皇厚切喺眾多刺身中揀咗呢款，好重魚味，係食完都仲會喺口𥚃面迴盪海膽壽司海膽份量都唔少，味道甘甜，一件食落口再慢慢細味，令人好滿足清酒煮藍青口個湯好香昆布味，加上清酒，好清甜，唔覺唔覺都飲咗大半碗。青口嘅數量都唔少。鹽燒三文魚柳汁燒黑椒安格斯牛肉串。黑椒豬腩肉。鹽燒豚肉鵪鶉蛋串。汁燒免治雞肉棒以上幾款燒物都非常岀色，醬汁香濃，燒得剛好，香口得黎又唔會乾，唔怪得之餐廳叫逸之燒！松葉蟹粥見到好多人都會點呢個粥，所以試下。原來都幾大鍋，我地每人食咗三小碗。蟹粥𥚃加咗好多蔬菜，所以有不同口感，有蟹膏蟹肉嘅鮮味，加上窩蛋，非常美味