開店後一直見到不時有藝人朋友現身支持 ,
加強了我對佢地嘅好奇 , 以及期待 !!!
店面乾淨整潔 , 座位都自成一角 , 幾唔錯 ~
車仔麵 , 我自己係必食大腸 , 同豆卜 ( 吸晒味好正 )
當日就叫左上面嘅膽 , 拖菜餃豬紅 , 另加油菜 ,
如果食得辣 , 真心推介佢地個辣汁
入口甜 , 嗒落香 , 食落去滑 , 最後回辣
果種感覺真係令我來回地獄又折返人間
當大家都認為車仔麵都係一般野 ,
唔覺有特色嘅時候 , 搵啖食 , 用心做好每一個細節 ,
無論係料 , 麵底 , 湯 , 灼菜 , 甚至連杯凍啡都係一絲不苛 ,
點止係車仔麵咁簡單 ??
正當我和友人研究長洲魚旦同潮州魚旦嘅分別之際 ,
上圖就出現波咁大粒嘅長洲魚旦了
