花楽 (翩滙坊) (Closed)

將南大橋就黎開通，呢排都有開燈，爸媽話都想睇下所以帶佢地過黎海邊行下然後黎佢地食過番尋味既花樂食晚餐~壽司/刺身呢度星期一至五都有刺身壽司半價真係抵到暈!質素同賣相都超出佢既定價!性價比極高!所以一黎已經ORDER左至愛既三文魚壽司、玉子壽司、芥末八爪魚軍艦同三文魚刺身!好欣賞呢度既壽司刺身冇因為特價而HEA做，相反擺盤仲要勁有心思又靚!!安格斯牛肉鍋另一必點之選就係安格斯牛肉鍋，而家天氣涼涼地最岩就係食呢個!牛肉份量好多，又唔會太肥，湯底好濃，配上雞蛋同胡麻醬，另外我地加$28叫埋烏冬，加埋入去食真係完美~鍋入面有大量蔬菜~索哂D湯汁真係又健康得黎又美味!燒羊架、大蝦天婦羅燒羊架勁香，咬落軟稔一D都唔韌，有羊味而冇SO味，而大蝦天婦羅好大隻，炸得香脆但唔油膩!大蝦爽口彈牙，加天婦羅汁黎食咸咸地好正!六味真蠔最後係重頭戲六味真蠔，$268有6款蠔真係想問邊度搵?分別有3款生蠔同三款熟蠔，唔同既蠔都有唔同既醬汁去配黎食，仲有海葡萄沙律，酸酸甜甜勁開胃。店員將六味真蠔上檯時都有建議我地由邊隻食起同邊款蠔配邊款汁，服務態度非常好，令人覺得好貼心!總括黎講呢間店真係冇得輸~無論位置、環境、食物