呢間咖啡店同隔離麵包舖係連舖式經營嘅，不過坐嘅位置都幾舒服，因為啟田商場算係好多人，開放式cafe都幾舒適唔會好騷擾。
不過因為坐位有啲少，得三四張枱，我唔夠膽坐咁耐。
價錢來講佢都幾合理，係affordable嘅。
我嗌一杯cappuccino同一份牛油果車厘茄包+煙三文魚。
佢杯咖啡比較細杯，但係白咖啡來講細細杯已經夠飲啦。而我都好鍾意佢嘅擺盆同餐具。咖啡偏奶多，Creamy，奶泡比例啱啱好，咖啡唔酸唔苦，如果想品嚐咖啡豆就嗌翻black coffee會好啲。
份三文治真係好好食，好鬆軟嘅麵包偏甜，非常鬆軟，牛油果都好新鮮，好多連鎖咖啡店嘅牛油果餐點都係有種「整定」嘅感覺，但佢呢個真係好refresh。沙律菜都幾多調味Dressing。我平時好憎食醒同埋呢種生菜沙律，但係佢呢個有個好refresh嘅感覺，我食得津津有味非常之滿足！
而且咖啡師哥哥幾靚仔😂又好nice，加分
1
