Butahonke

平時好少會打評價，除非間餐廳質素奇差或者極好，豚本家屬於後者。

食物質素幾好，價錢正常，而家香港食飯呢個價錢不過不失，最值得一提的是員工的服務態度非常好！

由落單、上菜、收銀三個唔同的員工都好好招呼，我地叫左個燒牛肉定食，唔係好識燒搞到痴哂底，員工主動過來(我地坐最入面位置)話俾我地知應該點燒才是對的同埋換個新鐵板俾我地。

之後見我地食完就好快來收野，以為催我地交枱(香港飲食業文化係咁….分秒必爭)，但係佢叫我地慢慢坐，跟住飲埋杯野就去埋單啦，原來出面其實係有人等緊位既，呢一點真係抵讚👍🏻👍🏻

到埋單收銀員亦滿面笑容問我地用餐感想，令我一度以為我唔係身處香港😆😆 我想講香港咁既市道大家應該要好好珍惜呢d咁有心做既餐廳，所以專登上來打咁多字。