Video
Read full review
2023-04-21
1925 views
長沙灣呢頭好嘢食唔少，經常周圍食唔同餐種，未必間間值得撰寫，除非餐店特別出色，今次呢間新打冷菜館，門面光猛闊落、平時人流幾旺，菜單唔少選擇，決定幫襯+十卜新店手機掃code落單，唔使下下打攪到員工，食物上菜速度好快，基本上十至十幾分鐘左右都到枱，員工服務有禮經常加茶/收碟，呢到既碗碟茶杯都系好傳統舊式公雞🐓樣式，增添懷舊風格感覺，半開放式廚房，方便師傅就算內裡都兼顧到食客既進度👍🏻👉🏻滷水雜錦拼盤一個雜錦盤滿足試晒唔同口味既選擇，分別鵝片、鵝腸、鵝肝、豆腐、紅腸、蛋，滷水夠晒入味，最欣賞系鵝腸，入味之餘唔會過軔，其實大大碟而且價位公道百幾左右，無論人多人少都幾合適開心share👉🏻菠蘿咕嚕肉由細食到大絕對唔陌生既菠蘿咕嚕肉，做到外脆內軟，食落有少部分火喉味，咕嚕肉偏大粒，咬落啖啖肉，比平時食開既偏酸，自己口味上喜酸，呢碟零舍開胃既小菜好岩刺激味雷，今餐咁豐富，開胃醒喉至岩👉🏻凍食烏頭好耐冇食潮州烏頭喇，以前試過上碟烏頭只系肚位𠝹一刀，呢邊比較細心系預先開好晒半，起魚肉十分方便，配上普寧豆漿鹹鮮味會再香d，就算唔沽醬就咁食都已夠入味，食番本身既魚味都系享受*原來連烏頭都有身分證，尾位牌仔
手機掃code落單，唔使下下打攪到員工，食物上菜速度好快，基本上十至十幾分鐘左右都到枱，員工服務有禮經常加茶/收碟，呢到既碗碟茶杯都系好傳統舊式公雞🐓樣式，增添懷舊風格感覺，半開放式廚房，方便師傅就算內裡都兼顧到食客既進度👍🏻
👉🏻滷水雜錦拼盤一個雜錦盤滿足試晒唔同口味既選擇，分別鵝片、鵝腸、鵝肝、豆腐、紅腸、蛋，滷水夠晒入味，最欣賞系鵝腸，入味之餘唔會過軔，其實大大碟而且價位公道百幾左右，無論人多人少都幾合適開心share
👉🏻菠蘿咕嚕肉由細食到大絕對唔陌生既菠蘿咕嚕肉，做到外脆內軟，食落有少部分火喉味，咕嚕肉偏大粒，咬落啖啖肉，比平時食開既偏酸，自己口味上喜酸，呢碟零舍開胃既小菜好岩刺激味雷，今餐咁豐富，開胃醒喉至岩
👉🏻凍食烏頭好耐冇食潮州烏頭喇，以前試過上碟烏頭只系肚位𠝹一刀，呢邊比較細心系預先開好晒半，起魚肉十分方便，配上普寧豆漿鹹鮮味會再香d，就算唔沽醬就咁食都已夠入味，食番本身既魚味都系享受
*原來連烏頭都有身分證，尾位牌仔標示元朗產地烏頭，魚身肥大厚肉，可能呢樣就系品質保證之處*
👉🏻蠔仔砂鍋粥（例）蠔仔粥有唔同份量就番人數，呢煲例既蠔仔砂鍋粥都相當巨，大概3-4位都可滿足到，配料十足：蠔仔、乾魷魚、冬菇碎、薑絲，另外遞上蔥花、芫荽，蠔仔落咁好多，點撈都總撈到蠔仔，細粒但非常滑嫩，成個粥底砂鍋煲到非常鮮甜
👉🏻上湯浸菜心拍蒜、蒜蓉、菇粒加上湯煮浸過既菜心，冧得尼夠入味，嫩菜心清甜味道，蒜香為主，食咗咁多肉/粥，配番碟菜
整體來說，位置闊落，除咗有卡位更有大圓枱，少至兩三個，多至成圍都冇問題，岩晒親朋戚友/老友團聚，嘢食賣相+佐料配料豐富，餐牌唔少潮州菜名菜，今次一嘗佢地首本名陳年滷水、元朗產烏頭，不得不讚，下次要帶幾位好友來叫唔同菜色，脷伸
Post
