Coti (沙咀道) (Closed)

一開始以為呢間Cafe有啲偏僻，但其實都唔係，都係喺荃景圍天橋附近，試過之後覺得幾好食！性價比幾高。首先叫做蒲燒鰻魚滑蛋飯（$88），好好食！鰻魚鮮甜好滑，個汁鹹中帶甜撈埋滑蛋同飯真係唔經唔覺會食晒。另外叫咗個忌廉汁煙三文魚意粉（$78），個汁幾creamy偏淡味，但加埋煙三文魚嘅鹹味就岩岩好。嘢飲方面叫左綿花糖朱古力（$42），賣相好靚！朱古力味好濃，如果棉花糖再溶多少少就正仲叫咗rose latte($42)，依間嘅咖啡幾香，難怪見好多人都嚟買杯咖啡外賣走！整體黎講呢間cafe嘢食同嘢飲都幾好！