煮場中日放題料理 (Closed)

小弟琴日去左同女朋友食放題 係觀塘地鐵站一出7-8分鐘就到左 夠哂就腳 啱哂我呢d死懶鬼 一入到去 個感覺同外面工廠大廈既感覺完全唔似 有種日本居酒屋既感覺 我地好早去到 所以人唔太多 一去到就有位 由於小弟就唔係好食魚生 得女朋友食 就只係叫左一小碟刺身俾女朋友食🙈 我就最鐘意食放題入面既熟食 當中最鐘意食係佢既餃子雞翼 甜甜地既醬汁 加埋雞翼包住餃子材料 有種好特別既感覺 玉子燒都幾有水準 不夠個醬汁咸左小小 豆腐夠滑 醬汁亦都毫不客氣咁淋上去 抵讚 最特別既就係個朱古力脆脆波 外脆內軟既質感好新鮮 仲要加埋流心朱古力 真係流哂口水 飲品選擇都好多 連冰鎮奶茶都有埋 美中不足既係 甜品選擇好少 得雪糕簡 最後一提 服務太態好好 唔該前唔該後 如果有埋甜品 真係完美