駟馬拖車潮州飯店 (MOSTown新港城中心(4期)) (Closed)

今日約左龜蜜食飯，近近地就係屋企附近搵食啦。一於潮州人食潮州菜潮州菜不外乎係滷水野，凍魚, 可惜太夜喇, 已沽清🙈下次請早。前菜：貢菜花生🥜, 貢菜非常爽口咬落㗳㗳聲, 而且好開胃.普寧炸豆腐：第一時間我就request要食呢個😆😆熱辣辣, 外脆內軟大愛啊！潮州蠔仔粥：兩個女仔嗌左一碗, 份量岩岩好, 蠔仔肉粒粒飽滿, 加埋冬菇肉碎,  鮮甜味美, 味道唔係好濃, 非常正明爐烏頭：真係大大愛！飽滿既魚肉, 肉質都算幾滑, 加左青檸片、香茅、酸咪咪, 微微辣, 又係好開胃, 成條魚食光光啊~啫啫炒芥蘭：Staff無介紹錯加埋蝦米仔一齊炒, 好咸香, 芥蘭口感爽脆, 好岩送飯!銀杏芋泥：銀杏有咬口,  芋泥唔會好甜, 成個甜品可以叫做清甜有驚喜！食物質素真係好唔錯, 岩晒潮州妹口味啊。近近地下次要帶埋屋企人黎食, 試埋滷水鵝同潮式反沙芋啊。餐廳環境唔錯，而且坐得舒服。Staff服務態度都好好, 值得一讚。