拉麵達人 (Closed)

最近突然好想食拉麵，同朋友喺附近唱完k，就到左呢間拉麵達人度試下。餐廳充滿左日本既味道，喺門口掛左好多日本特色既燈籠。而餐廳雖然唔係好大，「麻雀雖小，五臟俱全」，坐到都有20個人既，雖然係迫少少。今次我叫左W達人拉麵，即係鰹魚豚肉拉麵，湯有超香既鰹魚香味，上面放左一大片既厚切叉燒。碗拉麵未送上嚟，已經聞到濃郁既鰹魚味。個湯都係好香濃，麵亦煮得剛好！叉燒雖然大塊，但唔會覺得肥膩，值得一試！而另外就叫左豬軟骨餃子同櫻花蝦達人，朋友都激讚，加埋都係221蚊，仲唔加一，超值！