Thyme Coffee Bar (Closed)

長沙灣新開嘅cafe，開業未夠一個月，已經第二次到訪，值得寫一下食評😋先講吓環境，小店位於李鄭屋邨對面嘅轉角位，環境都幾舒服，尤其今日有好天氣，望住條街飲嘢都幾舒服！不過檯面比較細，幾個朋友想share嘢食可以坐 Bar檯會方便啲😌今次同朋友試咗個3ways prawn risotto同魚手指，個Risotto用咗蝦、蝦乾同蝦汁煮成，因為係即煮，未上檯已經聞到好香蝦嘅味，食落材料都好豐富，有蝦嘅爽口同蝦乾嘅咸香，好味！魚手指都係即刻炸，好夠熱，份量亦都幾好！飲品方面，今次試咗有酒精嘅特飲同手沖咖啡特飲係店員特別推薦嘅飲品，未放入menu，有柚子、奇異果同Vodka，飲起上嚟好清新，喜歡酒精嘅朋友可以問吓店員有咩推薦😆今次試咗手沖啡，酸同苦味都好平衡，聽店員講，店舖嘅咖啡豆由本地嘅小店烘焙嘅，鍾意飲嘅現場都有咖啡豆可以買，佢哋嘅blend豆個名仲好得意（唔記得影低🙈），係叫井欄樹同大坳門，好特別，下次可以買返去試吓🤣呢兩次都未有機會試甜品，下次要再嚟試吓！