Video
Read full review
2016-05-30
358 views
早前喺網上見有人推介，既然新開，最近成日想BBQ又怕熱，就同老公去試下當日我地未到7點就去到，可能時間尚早，店內只有6-7成滿坐剛坐低，就有店員介紹如何用tab落單，有邊啲item需要收費等另外店員亦特別提醒，餐牌內的「韓式原條腩條」係一大條腩肉，而唔係一片片，怕我地唔清楚叫多左食唔晒落單前，我發現，店家除左一般既燒汁，刺身用既豉油，仲準備左酸辣汁，即磨玫瑰海鹽同黑椒而menu內除左肉類，仲有海鮮、刺身、壽司、炸物、冷盤、小食、熟食等⋯完全係燒烤+日式放題crossover不過因為燒肉無例明係牛定豬，為左麻煩老公，我前後問左店員好幾次，而店員亦表明之後會在餐牌上表明（牛/豬）願意接受客人意見呢點我幾欣賞 當我地興奮地落單時，就送上一坐低就會奉上既燒肉拼盤同刺身船，呢個做法其實有好有唔好，因為遇正我老公呢d唔食牛唔食生野既麻煩人，就變相8成既食物都係我清晒，食完，都已經飽左7成P.s. 當日甜蝦同帆立貝都好鮮甜 韓式原條腩條辣味同醬料只附喺表面，但味道足夠牛類大部分都無醃製，包括牛舌，一口牛，肩胛梅花等個人比較喜歡安格斯牛小排及安格斯三頭肌，點上玫瑰海鹽及黑椒，充滿鮮味！香麻小面面係
最近成日想BBQ又怕熱，就同老公去試下當日我地
未到7點就去到，可能時間尚早，店內只有6-7成滿坐
剛坐低，就有店員介紹如何用tab落單，
有邊啲item需要收費等
另外店員亦特別提醒，
餐牌內的「韓式原條腩條」係一大條腩肉，
而唔係一片片，怕我地唔清楚叫多左食唔晒
落單前，我發現，店家除左一般既燒汁，刺身用既豉油，仲準備左酸辣汁，
即磨玫瑰海鹽同黑椒
而menu內除左肉類，仲有海鮮、刺身、壽司、炸物、冷盤、小食、熟食等⋯完全係燒烤+日式放題crossover
不過因為燒肉無例明係牛定豬，
為左麻煩老公，我前後問左店員好幾次，
而店員亦表明之後會在餐牌上表明（牛/豬）
願意接受客人意見呢點我幾欣賞
當我地興奮地落單時，就送上一坐低就會奉上既燒肉拼盤同刺身船，
呢個做法其實有好有唔好，
因為遇正我老公呢d唔食牛唔食生野既麻煩人，
就變相8成既食物都係我清晒，
食完，都已經飽左7成
P.s. 當日甜蝦同帆立貝都好鮮甜
韓式原條腩條辣味同醬料只附喺表面，但味道足夠
牛類大部分都無醃製，包括牛舌，一口牛，肩胛梅花等
個人比較喜歡安格斯牛小排及安格斯三頭肌，
點上玫瑰海鹽及黑椒，充滿鮮味！
香麻小面面
係豬肉，有少少麻辣味，好香口又嫰滑，
老公好中意
肉類如果唔新鮮/雪過龍，邊位就會發黑，
但今日完全發現唔到呢個問題，
黎幾轉既肉都好新鮮
豬大腸亦係我幾推薦既食材，燒到外脆內軟，好味
不過一條都幾大條，可以剪到咁多件
我好中意有生菜籃呢個item，食燒肉，肉多菜少，
用生菜包住食感覺無咁熱氣，
亦可減低食大量肉既罪惡感
海鮮，去到呢度已經好飽，所以只叫少少，虎蝦同扇貝都絕不欺場，
唔會細細隻，如果有牛油提供就好喇
其間，身為飯筒既我亦有叫壽司，我最愛既三文魚籽呀
壽司細細件，飯唔多，三文魚籽滿滿的
即叫即做，食果時紫菜仲脆
平時食日式放題都好少有三文魚籽壽司，
就算有，都會用青瓜放一半位置，見到有滿滿的三文魚籽，真係有說不岀的感動
我地亦試左少少收費既item,包括「清酒煮鮑魚」及「地獄辣酒煮蜆」
地獄辣酒煮蜆
辣辣地，湯既味道味道竟有啲似泰式木瓜沙律？
不過如果唔理咩國家既菜式，
其實甜甜辣辣，味道都唔錯
清酒煮鮑魚
清酒味道比較濃同無辣味，有少少蒜，
味道相對上我比較中意鮑魚，一份有5隻，
而且新鮮彈牙
真係飽到郁唔到喇，炸物完全無機會嘗試，而當日甜品櫃亦只有朱古力同忌廉泡芙，
不過，每人有杯MovenPick，我已經大滿足！
結食完2個人飽到肚漲漲咁返屋企，
而好少會對放題滿意既老公，
亦覺得呢度可以返轉頭再幫襯
Other Info. :
最好訂位,因為離開時已經見到好多人等位,
成個LIFT口都迫滿人
(The above review is the personal opinion of a user which does not represent OpenRice's point of view.)
Post
