浜滝

Open Now

Now Closed

今日經開九龍城，之前係網上有人推介呢到個燒龍蝦好正，所以突登黎試下。門口店舖雖然好似好細，但係入面都可以坐唔少人，而且仲好熱鬧。餐前小食叫左個炸雞及三文魚刺身，唔算話好特別，不過炸雞🍗起碼無炸到好乾身，都算唔錯。然後再叫左呢個花魚燒一夜干，呢條燒魚燒得好正，魚肉好嫩滑，燒完魚肉都仲可以保持到唔乾身，好難得，大家黎到都可以一試。兩個主食都唔錯，豚肉拉麵豬骨湯好濃味，拉麵亦爽口彈牙。而個醬汁烤雞飯就無乜特別，不過雞肉都醃得幾入味。最後當然唔少得呢個海龍燒，專登為佢而黎，真係無介紹錯，龍蝦好鮮，肉質好爽，而且海膽亦好鮮甜美味，好正！