我地幾個叫咗幾款燒味、海鮮同炒飯，估唔到每款都好好食～
🐷 黑豚叉燒切得四四方方，半肥瘦入口好軟嫩，油香十足，平面嘅蜜汁燒得微焦、好香口，係必點之選！
🐔 脆皮文昌雞即叫即燒，外皮炸得薄脆，雞肉保持嫩滑
🦀 薑蔥炒肉蟹好夠火喉，兩隻蟹都幾有肉地
🦀 蔥油軟殼蟹好吸味，係邪惡之選
😋 蟶子係好大隻好新鮮！同蒜頭同粉絲一齊蒸，連粉絲都吸收晒鮮味
🤤 蠔皇扣3頭鮑魚，鮑魚好鮮味而且煮得剛好、食落好軟嫩
🍚瑤柱蛋白炒飯清清地幾好味，仲有好多瑤柱絲同細帶子粒粒
🥛 桃膠杏仁茶入面啖啖都係桃膠，好足料，而且唔太甜
今餐真係食得好滿足，下次會約埋屋企人黎再食過～😋
