Go Inside Kitchen (Closed)

今晚同老公去觀塘apm睇戲, 老公幾日前問我觀塘有咩美食， 即時想起之前大家姐曾帶我去位於工廠大廈既Go Inside Kitchen，我立刻打電話去訂位 ，一於睇戲前食番餐好嘅。從港鐵A2出口，步行大概四至五分鐘便到Go Inside Kitchen, 真的非常便利。這裏裝修簡潔，餐廳侍應有禮相待，給人一種舒服又溫暖嘅感覺。由於老公很喜歡吃意大利粉，所以沒有揀選dinner set，散叫了兩個意粉及兩杯特色咖啡。溫泉蛋卡邦尼意粉($128) ~ 香濃嘅芝士、忌廉、煙肉，配合甜甜的洋蔥，已經好好味，再加上溫泉蛋， 一切下去，半熟嘅蛋黃流出， 當蛋黃與意粉拌勻， 意粉沾滿香濃嘅蛋黃汁，入口很rich，很creamy。加勒比海飛魚子煙三文魚白酒忌廉汁意粉($148) ~ 餐廳告知飛魚子缺貨，更改為雜菌， 其實雜菌更合我心意， 忌廉汁夠杰身，有少少酒香及有濃郁奶味， 同雜菌很夾， 煙三文魚肉質緊實，略帶油脂，好香，食到舔舔脷。凍鮮奶咖啡及凍泡沫咖啡 ~ 咖啡香濃， 鮮奶香滑，每飲一啖都在口腔內留下咖啡餘香。