巨龍冰室 (Closed)

今晚唔係好肚餓 ,嚟到呢間 巨龍冰室試下 ，因為在下比較注重食物質素同環境，所以並唔係間間茶餐廳都會幫襯 。呢間冰室 位置唔算多但係好似幾舒服，所以試一下。坐落去過得幾舒服 ，張凳似乎好似大過平時人哋茶記嘅size ，同紅磡冰室嗰啲差唔多。唔講咁多食物方面，我哋嗌咗個條魚，我哋叫咗條魚 ，首先個價錢咁平我地對佢冇乜期望 ，點知拎咗出嚟 ，原來都幾靚仔 ，食得出好新鮮，不過我哋食完最尾嘅時候有枱客入嚟想叫我哋嗰條魚 ，先發現原來佢哋好早就會賣曬。另外值得一讚嘅係個四季豆 ，事關我每日都魚肉肉太多，想食個菜 ，叫咗個四季豆發現原來都幾香口之餘又食到蔬菜。最後係 咖哩牛脷好好味 ，屋企人食完覺得唔夠飯想加個白飯先發現原來佢哋白飯係任添。