金旦 (Closed)

太安樓又有新長龍店啦！金蛋飯家，齋聽個名就知蛋係呢度嘅名物，加$5就可以揀太陽蛋/荷包蛋/熟炒蛋，不過我哋唔記得咗加....😂 黯然雙拼撈飯 $59（1 - 2人份量）落單後等半個鐘 ，熱辣辣、香噴噴嘅雙拼飯終於到手啦！黯然焦糖厚剪叉燒係超厚切嘅豬頸肉，表皮焦香，肉質爽嫩又入味，得三舊真係唔夠喉。黯然焦脆香雞扒份量超多，雞皮香脆，配埋甜、蒜、蜜三款醬汁，滋味無窮！細心位係肉同飯之間鋪滿椰菜碎，撈埋啲飯一齊食，可減低油膩感啊。