甜豆甜品專門店 (Closed)

係古朴年代食完晚飯，看看時間，咦！八點半喎，立即想起係同一條街街尾的甜豆甜品專門店。這間甜品鋪非常巴閉，唔到夜晚八點半後都唔開，但偏偏有大班人願意為她瘋狂，好似今晚咁，門都未開已經有十幾人等緊啦，受幸運之神繼續眷顧，我們坐到最後一張二人檯（歡呼）我們點了咖啡二重奏和桂花燴梨配野莓雪葩桂花燴梨配野莓雪葩十分滿分我比九分，整個梨就是甜甜爽爽的，即使食飽飯你仍然會食得落，口口清香的桂花味，且絕不死甜，野莓雪葩酸酸甜甜，與桂花梨配合天衣無縫，唯一扣分的是雪葩溶得超快，當時天氣都幾涼仲帶點寒喎，竟然食左幾淡雪葩就溶 有水出 失了實卜卜的感覺，快到無譜有少少失望。咖啡二重奏咖啡味雪糕配上咖啡味啫喱，兩者配搭沒什麼特別，你還你我還我咁，但全部有濃郁咖啡味，尤其是上面個雪糕球，咖啡味濃味爆燈，又無上面個雪葩溶咁快，值得一試。Overall 好滿意，抵你咁招積！