甄甄車仔麵 (Closed)

放低咗女兒去番學，又偷時間去飯堂食車仔麵先🤤車仔麵一上枱，老闆會遞上炸蒜、辣炸菜及青蔥俾你自己落。落少少炸蒜青蔥好香口，不過辣炸菜略嫌鹹咗少少，應該係街外買番嚟的。今次第一次試麻辣牛脷，牛脷唔同日式火鍋嗰隻薄薄牛脷，都有啲厚度。雖然只係得2片，但每片都幾大塊。開頭都擔心唔係薄切會好韌好硬，點知出奇的爽口，口感有少少似食雞腎咁爽。不過相比起之前食過的麻辣豬耳/豬腸，牛脷的麻辣味相對嚟講無咁入味，我估係因為牛脷唔可以煮得太耐，否則會好硬。對於唔太食得辣嘅人，麻辣牛脷可以一試。佢地嘅麻辣豬耳/豬腸/牛脷都係自家制的，出面食唔到！值得一試！如果食開小辣嘅朋友，如果叫咗呢三個餸的其中一款，基本上唔洗再要麻辣醬汁做湯底，可以揀番腩汁或上湯。而我食開中辣，所以我會揀番麻辣汁。凍檸茶中規中矩，我叫少冰少甜，都有做到我嘅要求。最後想講價錢，兩餸麵加杯凍檸茶，只係$38，仲要係高質車仔麵。真！係！好！抵！