翠苑甜品專家 (北角道)

Open Now

Now Closed

係北角番工一段時間，聽話呢間中式糖水店都幾有質素，咁晏有日食完飯經過，就去試一試 XD我地大概晚上9點度到，都幾多人食緊。我地三個人叫左兩個糖水share。糖水落左單之後好快就送到，微暖，吾係好熱，但味道係唔錯既。份量黎講唔算多，就係一個小碗既size，但糖水鋪黎講係正常既。首創建脾補腎腰果糊 （熱）$19 呢個糖水星期六、日先有。作為唔太鍾意好甜既人，覺得呢個糖水甜度算適中，口感好細滑，食到啖啖腰果香。唔知食完會唔會真係建脾補腎呢？合桃糊燉鮮奶 （熱）$22筆者同兩位朋友都鐘意呢款多d,因為個燉鮮奶真係好滑，又散發陣陣濃濃奶味，再加埋底下既合桃糊，覺得好養顏滋潤。下次會想試下凍食或者純燉鮮奶。感覺燉鮮奶比較受歡迎，因為果時聽到有其他人叫但D店員話已經買晒。其他意見服務：有小店人情味，d伙計會同你傾幾句，推介下有咩好食。環境：普通中式糖水小店，大約7、8張圓桌，每桌有4至5張摺疊式圓櫈，光線充足，環境睇落去算乾淨衛生。地理位置：呢間北角分店離地鐵站有7-8分鐘距離，係炮台山同北角地鐵中間，又吾近英皇道，吾係我番工附近都幾吾就腳。