大喜屋 (Closed)

有個朋友黎銅鑼灣搵我食晚餐，佢就提議去食大喜屋，禁岩我又想食日本菜，就決定出發！位置超方便，一上地鐵站轉個彎就到黃金廣場👍🏻👍🏻 餐牌好多選擇，除左刺身壽司，仲有中菜，一品料理。蟹子沙律，青瓜夠凍好新鮮，蟹子份量十足，沙律醬又唔會太多岩岩好，開胃！尖椒麻辣皮蛋，好特別，辣油夠辣，食落口又夠麻，好惹味刺身，係三文魚腩呀😍好肥好油好正！！全部刺身都厚切，口感十足壽司，我地叫左燒左口魚，三文魚腩，鰻魚和帶子。壽司飯唔多，全部細細件，完全唔洗擔心食飯食到飽豉汁炒花甲，花甲大大隻好鮮甜，仲要完全無沙，超多蒜蓉，好香好好味人參雞鍋，面頭上有好多人參，入面仲有三大件雞，份量十足，每啖湯都超甘香，有種正宗韓國菜感覺，必叫之選！飲品款式多，道地解綠茶係樽裝，好抵飲！另一款係韓國桃啤，未飲已經有好香既桃味，飲落完全唔似啤酒，好似桃味既果汁，岩曬女仔飲甜品，每人只可以選一款，有milk top又有韓國雪條最後我地簡左蜜瓜雪條同季節限定既西瓜味雪條，好味道！總括黎講，餐廳好貼心，食物又好食，兩個人五百蚊到，好抵！下次搵多d朋友再食過！