撈喜 (Closed)

星期六揾地方食下特別野，放是去到東大街較後位置。去到店內已坐滿，稍等10分鐘後有位。食物算多選擇，最後單點了南非鮑魚蝦子撈麵同花膠撈麵套餐，另外點了一碗花膠湯。大約10分鐘後，食物相繼上枱，賣相相當不錯，味道亦對板，麵條爽口，有咬口，雖然花膠偏薄，整體於水準以上，以呢個價錢，已經算交到貨。反而跟餐加10蚊轉嘅桂圓杞子茶熱飲有驚喜，幾足料，喺呢個咁凍嘅天氣下飲用，份外温暖。埋單230幾蚊，價格合理，下次試埋其他出品。