BURGA (屯門市廣場) (Closed)

難得入到黎屯門，就嚟屯門市廣場新開左嘅food court試下啦。呢度有好多選擇，有泰式、中菜、西餐…… 林林總總的美食😋最終我同朋友就揀咗一間叫Burga的漢堡包店，貪佢比較特別，還有好多款式可以揀，有素burger，咸魚肉餅burger，軟腳蟹Burger……咁我哋兩條友就叫咗兩個set c: 一個cheese burger，一個軟腳蟹burger，三色薯條，四色醬，分別有芥末醬，超人醬，茄汁同埋黑松露醬，兩杯雀巢檸檬茶。Cheese Burger好juicy，有肉汁，有蕃茄芝士同菜，好有口感，好好味。軟腳蟹burger就真係好好食，超乎我想像，個軟殼蟹同個芥末醬好夾，好正，值得推介。三色薯條有紫薯條、番薯條同薯條，每一款都好好食，就算唔點醬都好食。醬方面，茄汁普通，芥末醬同黑松露醬都好好食，而超人醬真心有驚喜。唔知點解我覺得呢度嘅雀巢檸檬茶特別好飲，唔似平時喺超市買嘅雀巢檸檬茶咁甜，好有檸檬味，啱晒我啲要減肥嘅人士🤣