浦井韓食居酒屋 (Closed)

同朋友一行四人，今晚本身喺isquare買咗飛睇戲，所以都預咗去食個早飯先。今次我哋揀咗戲院售票處隔離嘅浦井韓食居酒屋。環境寬敞舒適， 餐廳內不停播著K-POP， 感覺唔錯!點菜後店員為我哋預備鐵板， 仲喺爐邊放蛋漿， 一格係淨蛋漿， 一格係泡菜蛋漿， 剩低嗰格我哋加20蚊要咗個藍芝士粟米。除咗個藍芝士粟米外，蛋漿係可以免費refill👍上牛烤份量都唔少，套餐包括小牛排，肉眼，牛肩胛脊，腹胸肉及牛舌，及大量蔬菜，包括金菇， 冬菇， 南瓜，雞脾菇 ，青辣椒及生菜等。 另外還有一盤生菜係用嚟包肉食。巨型牛粒可先烤熟再切細件慢慢食。牛肉鮮嫩有肉味。深海盛辣海鮮湯，裡面有原隻八爪魚 ，青口 ，蜆肉 ，蝦同豆卜等， 辣味恰到好處， 唔會辣到嗆喉，材料新鮮豐富。厚切豬腩肉 豬腩肉連埋豬皮，肥瘦比例啱啱好，而且有咬口，唔會食到成口油。今晚超滿足，平均每人250蚊，可以食到靚牛靚豬仲飲到海鮮湯，喺尖沙咀嚟講唔算貴，一定會推介比朋友。