老媽拌麵 (THE FOREST) (Closed)

知道旺角開咗《老媽拌麵》最愛台灣風味嘅我，當然要去捧下場啦！店舖環境好有文青感覺，加上當晚有Live Music 🎼🎼，整體感覺輕鬆自在😌！私房花雕雞拌麵＄78主打古法做麵，口感當然夠哂彈牙😊一撈起酒香四溢，而花雕雞味道都好香濃，雞肉好嫩滑，重有半隻流心蛋配合埋其他配料一齊食好豐富！台灣香腸＄32香腸烘得乾身而不油膩，外層脆口味道甜甜地，不錯👍🏻！酥炸甜不辣＄32觀感像魚餅,即點即炸脆卜卜，內層口感煙煙韌韌，沾上醬汁一齊食，好惹味😋😋！台式小食必點！老媽黑糖珍珠鮮奶茶(跟餐$28)香濃既茶底味道，黑糖香甜，淡淡奶香，珍珠夠彈牙，不太甜，層次和口感都一流👍🏻！